மின்னலே நீ வந்ததேனடி..

படம்: மே மாதம்
பாடியவர்: எஸ்.பி.பாலசுப்பிரமணியம்
இசை: A.R.ரஹ்மான்
வரிகள்: வைரமுத்து

மின்னலே நீ வந்ததேனடி
உன் கண்ணிலே ஒரு காயமென்னடி
என் வானிலே நீ மறைந்துபோன மாயமென்னடி
சில நாழிகை நீ வந்து போனது
என் மாளிகை அது வெந்து போனது
மின்னலே என் வானம் உன்னை தேடுதே

(மின்னலே)

கண்விழித்து பார்த்தபோது
கலைந்த வண்ணமே
உன் கை ரேகை ஒன்று மட்டும்
நினைவு சின்னமே
கதறி கதறி எனது உள்ளம்
உடைந்து போனதே
இன்று சிதறி போன சில்லில் எல்லாம்
உனது பிம்பமே
கண்ணீரில் தீ வளர்த்து காத்திருக்கிறேன்
உன் காலடித் தடத்தில் நான் பூத்திருக்கிறேன்

(மின்னலே)


பால் மழைக்கு காத்திருக்கும்
பூமி இல்லையா
ஒரு பண்டிகைக்கு காத்திருக்கும்
சாமி இல்லையா
வார்த்தைவர காத்திருக்கும்
கவிஞன் இல்லையா
நான் காத்திருந்தால்
காதல் இன்னும் நீளுமில்லையா?
கண்ணீரில் தீ வளர்த்து காத்திருக்கிறேன்
உன் காலடித் தடத்தில் நான் பூத்திருக்கிறேன்

(மின்னலே)

• விரும்பிக்கேட்டவர் சரவணகுமார்.
  

-அன்புடன்,
ஸ்ரீமதி.